“၀န်ကြီးပြောတာက နိုင်ငံအတွက် ငြိမ်းချမ်းရေး ကိစ္စ အရေးကြီးနေတဲ့ အချိန်ဖြစ်ပါတယ်။ ပဒိုမန်းငြိမ်းမောင် ကိစ္စကတော့ တရား ဥပဒေရဲ့ လွတ်လပ်ခွင့်အရ ဆုံးဖြတ်ပါစေ။ ပြီးရင်တော့ သမ္မတရဲ့ လွတ်ငြိမ်းချမ်းသာခွင့်နဲ့ ပြန်လွှတ်ပေးလို့ ရပါတယ်။ မစိုးရိမ်ပါနဲ့လို့ ၀န်ကြီးက အကြိမ်ကြိမ် အာမခံ ခဲ့တယ်လို့ ဦးညိုအုန်းမြင့်က ဆိုပါသည်။
ဦးညိုအုန်းမြင့်သည်၊ မတ်လ (၂) ရက်နေ့၌ KNU နှင့် နိုင်ငံတော် ငြိမ်းချမ်းရေး ဖေါ်ဆောင်ရေး အဖွဲ့ ဦးအောင်မင်းတို့ တွေ့ဆုံ ဆွေးနွေးပွဲတွင် အကျိုးဆောင် တဦးဖြစ်သည့် အပြင် ပဒိုမန်းငြိမ်းမောင် လွတ်ရေး ကိစ္စကို ၀န်ကြီးက အထူးတာဝန် ပေးထား ခံရသူ တဦးလည်း ဖြစ်ပါသည်။
ပဒိုမန်းငြိမ်းမောင် အမှုကို မတ်လ ၁၃ ရက်နေ့တွင် အင်းစိန်ထောင် အထူးတရားရုံးမှ အပြီးသတ် အမိန့် ချတော့မည်ဖြစ်ပါသည်။ သူသည် ထောင်ဒဏ် ၂နှစ်မှ ၃နှစ်အထိ ကျခံရနိုင်သည့် တရားမ၀င် အသင်းဆက်သွယ်မှု ပုဒ်မ ၁၇/၁ နှင့် သေဒဏ် (သို့) တစ်သက်တစ်ကျွန်း အထိ ကျခံရနိုင်သည့် နိုင်ငံတော် ပုန်ကန်မှု ပုဒ်မ ၁၂၂/၁ နှင့် တရားစွဲ ထားပါသည်။ ဒီနေ့တရား ရုံး ဆုံးဖြတ်ချက်မှာတော့ တကျွန်းနှင့် ထောင်ဒါဏ်(၃)နှစ် ချမှတ်လိုက်သည်ဟု သိရပါသည်။
ပဒိုမန်းငြိမ်းမောင်သည် ၂၀၁၁ခုနှစ်၊ ဇူလိုင်လတွင် တရုတ်နိုင်ငံ ကူမင်လေဆိပ်၌ နိုင်ငံကူးလက်မှတ် တံဆိပ်တုံးအတုခပ် နှိပ်ထားသည်ဟု စွပ်စွဲချက်ဖြင့် ရန်ကုန်လေဆိပ်သို့ ပြန်အပို့ခံခဲ့ရပြီး မြန်မာအစိုးရ၏ ဖမ်းဆီးခြင်းကိုခံခဲ့ရခြင်း ဖြစ်ပါသည်။
No comments:
Post a Comment